Sulmi ndaj përfaqësuesve të popullit dhe vetë Kuvendit të Maqedonisë si institucion, ka krijuar realitete të reja politike, të sigurisë dhe mbi të gjitha në aspektin e marrëdhënieve ndëretnike. Sulmi brutal ndaj deputetit shqiptar Zijadin Sela, e konfirmoi edhe njëherë se shqiptarët në Maqedoni rrezikohen si të tillë.

PanAlbanica në vazhdim do të botojë mendimet e disa prej anëtarëve të saj, me qëllim dhënien e kontributit në kthjellimin e kësaj ngjarjeje dhe pozitën e shqiptarëve në raport me të dhe më gjerë.

 

kushtrim-zendeli
Kushtrim Zendeli

 

Ngjarjet e 27 prillit në Maqedoni dëshmuan edhe një herë që shqiptarët këtu janë qytetarë të dorës së dytë dhe çdo e drejtë e tyre themelore nuk është e pranueshme nga pala tjetër. Shteti më këtë rast porositi që çdo gjë që u takon shqiptarëve duhet të negociohet me çdo formë. Përveç tjerash, kjo situatë vulosi atë që është thënë dhe është dëshmuar me qindra herë, se institucionet janë të kapura prej nje grupi njerëzish që s’duan t’a lëshojnë pushtetin. Fakt tjetër, shumë i rëndësishëm që doli ne pah nga gjithë kjo maskaradë ishte që çdo i emëruar shqiptar në funksion, qoftë ministër, drejtor, administrator është veç një kukull e bukur në emër të përfaqësimit të “përqindjes etnike” që s’ka asgjë në dorë, që nuk e dëgjon askush, ndërkaq frenat e shtetit janë në duar fashiste dhe kriminale njëetnike.

 

Vijon.